الساعة : إنتي ونص !! - أحمد المطوع

الساعة : إنتي و نص !
فيني أقدّمها ..
و تصير إلا ربع ..
و عقاربي ترقص !
قومي و حبيني ..
 
 
 
الساعة إنتي وعمر ..
لا مابعد عشته ..
لكني أحيا به ..
ليل /. و حنينٍ مرّ ..
و شيٍّ على ه البال ..
يمرّني غربال ..
علّق لي أهدابي ..
صار انتظاره جمر !
قومي و ناديني ..
 
 
الساعة إنتي و خوف ..
كافر .. ولا يوحي !
ينهش وسط ه الجوف ..
ينسلّ من روحي ..
ما يسمعك /. أبكم !
قومي و ضمّيني ..
 
 
الساعة إنتي و همس ..
لاتصدقينه دوووم ..
لو هو لِبِسْك هدوم ..
بعض السوالف ... لمس ..
و شاعر مهزوم ..
دايم يصدّق كذبته ..
يقول " أحبك " للأخير ..
و يرجع يكسّر /... لعبته
بقولته : مهموم ..!
قومي و غنّيني ..
ما قلت لك شاعر ؟!.
© 2024 - موقع الشعر