إفجوج صدري

افجوج صدري كانت البارح اوساع
 
لين ابتدا فجرالغرابيل بطلوع
 
ولي إظهرت شمس الحقيقه على القاع
 
وعرفت بني كنت بالوقت مخدوع
 
ومن الندم عضيت اناعروس الأصباع
 
واخذت من كاس الحسافات قرطوع
 
ويوم إن مفتاح الفرج من يدي ضاع
 
وحبل الرجاءبالياس قدصارمقطوع
 
رقابي الهاجس على رجم الوجاع
 
في راس مرقاب المعانات وروع
 
وجلست اطالع كيف وش لون الوضاع
 
واراجع اللي فات موضوع موضوع
 
ونسنس من الذكرى على البال ذعذاع
 
وحرك الهم ٍ داخل القلب مزروع
 
وشبت لهايب نارمن بين الأضلاع
 
عجزت تطفيهامن اعيوني إدموع
 
والله ماكن القدم تحتها قاع
 
من ضيق ٍ بصدري غدى اليوم مجموع
 
ماكنت احسب الوقت بيكون خداع
 
تغيب به شمس ٍ وتطفي به إشموع
 
فليت لأمالي وسط بحره إشراع
 
وطارت به الرياحه بعد كان مرفوع