لال الابتسامه

لـ خليفة بن راشد الوالي، ، في غير مُحدد، آخر تحديث

لال الابتسامه - خليفة بن راشد الوالي

ألا يا حظ من تغفل جفونه
لذيذ النوم مرتاح بمنامه

حضن من ودهم لي يحضنونه
خفيف الدم ينوّر له ظلامه

ويشفي له شقا من حال دونه
حبيب(ن) حل من عقب المشامه

على صدر(ن) شراتي يحترونه
وأنا المغرم وهايم في غرامه

عشاني يوم يشكي من شجونه
دلع في حزن يسطع في كلامه

سحرني كيف مدري وأسألونه
وسحره في سلامه واحتشامه

ولو صمت الجوارح يشتكونه
تصدّاها بلال الابتسامه

غشاها من تغزر في عيونة
برمشه يطعن الناظر سهامه

سلامي له سلام(ن) يوصوفنه
سلام العسكري له واحترامه

ولو حلم الشقاوي يكشفونه
بيدخل سجن جاير في نظامه

وألا يا حظ من تغفل جفونه
لذيذ النوم مرتاح بمنامه

© 2024 - موقع الشعر