اشقتني الايام - مشبب البشري

ياقلب لا تحزن على شي قد فات
مافات مات ولا بقا به مسره

طيبتك ياقلبي سبب كل لو عات
واعجبك كلمة غش ؟ ( لله دره)

اشقتني الايام روحه وجيات
وانته سبب ما صابني بالمضره

اليا دمحنا زلة ٍ زلةٍ جات
والحزن جوف الصدر حصل مقره

لاخير فيها طيبة ٍ تتعب الذات
وعزي لمن مثلي وقع بالمجره

عيلات بعض الناس ماهي بعيلات
يوم ان بعض الناس فينا تشره

يالي تشره وش تبي لك من اثبات
اثباتها موجود حلوه ومره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر