روَّ آسي

الشعر دلَّه والمعاميل قيفان
خافيه في صدري وهذا طرالي

حسيت كن الارض من غير سكان
كني على الكوره وحيداً لحالي

من حيث ما اتوجهت ما شفت انسان
مدري حقيقه او بعقلي اختلالي

نظره بعيده مالها حد يبتان
اشياء تصورها وتذهل خيالي

ماهو مسلسل طاش عايش وفيران
لا والله الا شي اشوفه قبالي

على الامل نفسي ارتدت خير فستان
تزهو وتترقب نهار الوصالي

والقلب فصل من مآسيه تيجان
ابطى الصباح ودامس الليل طالي

الوقت باعد بين اخوه وخللان
ماعاد تعرف من حميد الخصالي

اهل الدروب الراديه فيه شجعان
راحو الرجال مخضبين السلالي

الله واكبر يازمن غير لزمان
روَّح زمان مبهرين الدلالي

يا وجد حالي يا سلايل كحيلان
يالشمخ الصماء رواسي الجبالي

يبقى المثل صادق ولزَّرف عنوان
وغنيت يا لول متى جاك تالي