لاجيت ترحل

لاجيت ترحل لاتقل لي ...امانه
بسكات غادر واترك القلب بسكات

ترى حبيبك شال حبك وصانه
مايحتمل مع الجفا حر ونات

ومايحتمل من عين اهله اهانه
قالوا حبيبك اثبت العكس اثبات

وقالوا هجر قلبك وارخص كيانه
وانت الذي مرخص له العمر والذات

قلت السموحه ورايكم في مكانه
والقلب عندي حرم الحب حرمات

دامي حفظت الحب غالي ابخزانه
وضيعت مفتاحه بدرب المتاهات

ونسيت عالم كل ابوهم رزانه
وسلمت قلبي للعنا وضيم لوعات

استاهل الفرقا ونار الخيانه
وهموم تلهب داخل القلب ساعات

يمون خلي ...نعلبوها ميانه
هذي الميانه اسفرت عن اهانات

ياصاحبي ارحل بساعه جبانه
واترك لي من باقي المحبه حكايات