قصيدة اليوم الوطني 2010م قطر - منصور الوذين المري

قال من زين التماثيل لاجاها لزوم
جابها ويسوسها سوس غالية المهار

يابلدنا غطرفي باللحن خلِي الهموم
دام ابو مشعل حمد حاكمٍ فانتي عمار

يابو مشعل دام ظلك رفيع ومحشوم
معتليٍ فوق الثريا على كل الديار

ياوريث اللي تحزم على عمره يسوم
جاسم اللي سل سيفه مع وضح النهار

فيك من طبعه وهمته وفكره والعلوم
سيرة تكتب للاجيال مافيها غبار

قايد جموع السرايا في يوم المشوم
لين خلا الترك تذعن وتعلن بالفرار

انشد الوجبه وتنبيك باليوم الزحوم
وانشد الريان ينبيك من ذاك المغار

اسس الدوله على الشرع حاكم ومحكوم
والقبايل اخضعت له على سلمٍ وقرار

ثم قامت دولة العز مافيها محروم
كل نفس تاخذ الحق وتعيش بوقار

واستمرت بالمعزه عسى العزه تدوم
من كبير الى كبير من طوال العمار

لين جات لسيدي طيرالسعد ضلع زحوم
نادرٍ من ماكر احرارحقق الاشتهار

ارتقى في مرتقى العز من فوق الغيوم
والبلد في ظل حكمه مديم بازدهار

كل يوم يفتح افاق ويحقق حلوم
لين صارت دوحت العز للعالم فنار

لو يعد اللي تحقق بعهده كل يوم
يعجز الحساب من عدها في كل دار

عادته لامن نوى الشي جابه بالعزوم
مثل فوزٍ بالبطوله على العالم جهار

اعلن بلاترالفيفا وجا القول محسوم
انطفت نار المنافس وحققنا انتصار

جابها حر تعلا على عالي الرجوم
الشبل من الاسد والحر لاطال المغار

والختم صلو عد مالاح براق الغيوم
عالنبي الهاشمي عد نجم له منار

© 2024 - موقع الشعر