مني السلام - بدر بن عبدالمحسن

مني السَلام ..وكان لي منك فرقَا
جَمرة غضى حبك لجت داخل الجوف

عيني عليك من اشهَب الدمع شرقا
غيرك فلا حسّيت وغيرك فلا شوف

ما انته امحول كيف انا يمك أرقا
والحَيّ مثلي بتَالي العمر مكتوف

حَبل الصّبر مَشدود والكف عرقا
كيف اتقضت لاغدَت قيض وشعوف

واصيح لك مَا يسمَع المَوج غرقا
واصيح لك مَا يرجّع المَاضي حسوف

يومك لنا مَا أخاف بَردٍ وحَرقا
بَيت العَزا بعدك يبي جدر وسقوف

ويومَك لنَا لون السّمَا منك زَرقا
وللعشب نوارٍ وللمَاطر قنوف

كلٍ يروح ورحمَة الرّبّ تبقى
وكلٍ سِوَاك اليوم يَا شَيخ مخلوف

© 2024 - موقع الشعر