يهون البعد

لـ غير معروف، ، بواسطة حمود الجابري، في غير مُحدد

يهون البعد - غير معروف

يهون البعد في داخل حنايا قلبي المجبور
على مد النظر موعد وهانت له لياليها.

على القلب المعنى لا حصل بعد الفراق احضور
تزين و لحضة التشويق لاجينا براضيها.

يزول الصمت في بدع الحروف ووصفها المعمور
أباتسلى والمشاعر بالامل نسليها.

على عز وشرف نرقى ويزين الخاطر المكسور
ونبني من بيوت الشعر ونجود مبانيها.

أجر الصوت بالشيله على ضوء القمر مسرور
ويطري لي على بالي رجالن حي طاريها.

سلام الله سلامن فيه من صدق الشعور اشعور
على وضح النقا نبدى العلوم وننتهي فيها.

سلام يانسل الحرار اللي لها وقفه ودور
الصاحب اللي خوته نفخربها ونشريها.

حميد ارشاد له وقفه وراع الأوله مخبور
ينومس بالحميه والعلوم اللي يسويها.

وراع الطيب مايجهل وذكره كالعلم منشور
ونفخر بالرجال اللي على الطاله مساعيها.

عوائدنا تعلمنا براع الأوله مشكور
يعز النفس رد الطيب والمعروف تاليها

© 2024 - موقع الشعر