احساسك طفا

رمدت نار المشاعر والشتا به طول ليل
كيف ابدفا في شتاء هجرك واحساسك طفا

كيف ابدعي بنقضاءالليل يا الطرف الكحيل
وانت رمشك في حضوره لملم اخوه وغفا

الظليل اللي يظلل عينك مدفي الظليل
والحبيب اللي يحبك مالقا عندك دفا

يكرم العالم مشاعر ياكريم ويا بخيل
حارم(ن) كلي شعورك بس غيري اكتفا

من كثير احساس قلبك ماعطيك إلا القليل
يابخيل في وصالك ياكريم(ن) بالجفا

هل جرحتك ؟ رد جرحك:حسبي الله الوكيل
كيف ينطقها لسانك للحبيب اللي وفا

اجرحك رد اعتبار الجرح ذا عابر سبيل
كف عن جرحك شعوري بعدها قلي كفا

ولا تدري خل رد الجرح شف رد الجميل
اعفو عن زلت حبيبك وانت عنك الله عفا