اروي غرورك من الايـام - منصور الوذين المري

اروي غرورك من الايام يالغالي
وان كان ماروتك لاتبدا تسايرها

بدل اطباعك وهيا جر موالي
لاعل في جرته تاتي بشايرها

يكفيك مافات من تصريف الاقوالي
ويكفيك عينك تجرع من عبايرها

ياما نصحتك لاكن اتقول مابالي
واليوم تبدا تعدد لي خسايرها

خلك على خطنا وتزين الاحوالي
خطٍ رسمناه يبين لك سفايرها

اترك هوى النفس لو يطمح لك بعالي
يورَدك للمهالك في حفايرها

وارحم رفيقك ولا تزوده غربالي
من مد يمناه مايجزى بياسرها

ان قلت باوصفه ياقلبي وياحالي
يكفيه عين الظبي وايضاً محاجرها

وياعود موزٍ على الساقي وبظلالي
ماجاه لفح السمايم في مدايرها

الى هرج لي بغنج وبه تغزالي
اضيع الهرجة اللي كنت اعايرها

عليه مني سلام عد مامالي
ظلٍ من العود مع شمس يسايرها

© 2024 - موقع الشعر