الدمع بالموق

تدري وش إلي يقتل الدمع بالموق
إنك تحب انسان خيره لغيرك

عايش حياته بين بعدك وملحوق
والعمر يجري كثر الله خيرك

الشيب يطغي والحسف مسكنه فوق
وأنا أراجع في ضميري ضميرك

شفت النهايه بين عاشق ومعشوق
حدن يموت وحد يبقى أسيرك

لو كان حقك ياخذ الحق بحلوق
يبكي ملاذ الصمت من يستجيرك

وأنت عليم بقلب م النص مشقوق
بيدي قسمته لجل يصبح شطيرك

وآطوّح الونات من زود ما أذوق
جمر الجفا ماخذ لهايب سعيرك

ماتذكر إني كثر ما شفت مخنوق
خايف عليك من الزعل يستثيرك

لو كنت أحبك موت والشوق مرفوق
بأهل المحبه ينتقي اليوم غيرك

غر(ن) غرير(ن) ماخذ النوف غرنوق
طرفه عضيض(ن) من جماله ينيرك

يسكن بدالك داخل القلب مرموق
شعشع سمايه يوم عافك عشيرك

سدي وسده كنه الطاق مطبوق
يامن فظيت السر من فاض بيرك

ما أقول غير الله حسيبك ومعتوق
ل الله لوتدري ،،،عفته غديرك