ياالله هونها

يالله هونها على قلب مشتاق
مشتاق شوف عيون من هو يعزه

الصاحب اللي يّمه القلب منساق
ينساق له من دون أحدٍ(ن) يلزه

حبه سكن في داخل القلب بعماق
ياسعدعيني يومها هي تقزه

ياصاحبي بعدك ترى صعب ينطاق
زادت جروح القلب في كل حزه

مثل السجين اللي يدور عن أعتاق
أعتاق راسه قبل لايحين جزه

الحكم صادر قيدو لأجله الساق
ومن بعد حكمه صار كلن يخزه

ياالله ياربي عليم(ن) وعتاق
عتاق روسن تنحني له ملزه

أنك تزيل الهم عن كل مشتاق
وأنك تهدي البال في كل حزه