كتبت انا احلى القصايد في مناجاتك
ببداع لكن و لا لحظه تطريني
كم مل غيري و انا احكي له حكاياتك
لأن ما غيرك بْ هالكون يعنيني
عمري مقاسه بجياتك و روحاتك
و ما بين لثنين طيفٍ لك يسليني
في سر صمتك و بسماتك و دمعاتك
دورة حياتي نهاياتي و تكويني
و ان جن ليلي تذوبني كتابتك
ما امل منها و لا مل السَطِر عيني
يا حظ حرفٍ سكن مهجة خطاباتك
يا ليت نبضي مداده عند تدويني
و اشوفك احلا القصايد و اسمع انّّاتك
و امزج غلا من دواوينك دواويني
حبيبي انت الجمال بكل حالاتك
اقولها حب و الا الشوق معميني؟
لا تنشد القلب كله ذاب في ذاتك
بحياك عاشق و اموتك بشراييني
عانيت ليلً سهرته في مناداتك
كني من الوجد احسك بينك و بيني
يا ما عشقتك دروب تضم خطواتك
و ايام فيها تروح شوي و تجيني
يا ما عشقتك زعل و احيان زلاتك
مجنون لكن جنوني فيك مرضيني
سافر حبيبي أنا كلي محطاتك
من وين ما رحت يالغالي تلاقيني
فتّش ضلوعك و دوّر بين آهاتك
بجدار قلبك كتبت آخر عناويني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.