الله مـن قلـبٍ اهمومـه تدكـه - منصور الوذين المري

الله من قلبٍ اهمومه تدكه
دك المدافع للعدو بخط برليف

وطواريٍ لاجات يمه تسكه
سك المعادن باللهب عند حريف

لاجيت باسلا منَها ماش فكه
خلتني اهوبل وهرجي تخاريف

حالي نحل والقوت بلعه بلكَه
والدمع من عيني سوات المغاريف

ويالله ياللي حاميٍ بيت مكه
ياعالم وبيديه كل التصاريف

ياواحدٍ معبود مافيه شكه
حاشاك ياربي من القول والزِيف

يافارج الشدات من بعد صكه
انك اتفرجها وتاتي على الكيف

تطلق احبال مشيها فيه ركه
وتفرج غلقها للقلوب المواليف

وتزين بعد ايام مرت بضكه
وتصبح احلومٍ للنشامى وسواليف

© 2024 - موقع الشعر