كــارثه يــاشعر - وليد المري

كارثه ياشعر لي صارت دموعك ما تسيل
كارثه لي صارت الدعوى سوالف وانعدام

...
كارثه لي نامت البسمه على شفة بخيل

وانتحر طيف المشاعر بآخر حبال الغرام!
...

جيتك الليله مجدد كل جرح ٍ ما يسيل
بفتق وجيه الجروح وبنقض عهود السلام

...
والمساعي بين طيبة خاطر وما بين ميل

نفسها ذيك المساعي بين جزلك والكلام
...

لكن الدعوى أنين ٍ ما رضى عني يحيل
كنه الا صوت طفلن ناحلن بعد الفطام

...
يا سراب صار للمقفي كما جرة دليل

اتبعه واسبقه وايعود مسيرة ألف عام
...

قد يكون لسرعتي تأثير في الشوط الطويل
لكن الآكد يعود والدليل اركض وانام

...
واصطبح والقاه قفى لين ما يصبح قليل

وانكسر له فيتشبه بالملامح والقوام
...

كنت في واحة غرورك ضي واشواقي نخيل
كنت بدر وكنت شعر وكنت واقع من هلام

...
اقصد اني كنت حلمك وانت تسعى لي ذليل !!

لين صرت اليوم حلمي والسكك كلها ظلام
...

بس تفرق جيت انا لك راس.. وانته جيت ذيل
كل منا تنقصه حاجه.. ويكشفها الملام

...
دام قربك نقص فيني ..فبتعد مليون ميل

انتهت كل الحكايه ..ما بقى فيني هيام
...

بس اسمع شي واحد .. قبل ما عني تحيل
اسمع جروحي تغني يا سلام.. ووو يا سلام!!

© 2024 - موقع الشعر