الـصـدق والـصـراحـه

الشعر هو ألاحساس وأن ما بقى مت
طيفه لامنّه مر فجر براكين

يستاهله هزاع يامن له أقسمت
حر ٍ تسلسل من رجال ٍ شياهين

لو غير أبو نايف حشى ما تظلمّت
عزيز قوم وناخ ٍ لي سلاطين

ما أحس أنا قصّرت يوم ولا نمت
في خدمة بلادي من أول وذلحين

وأشوف حقي ضايع ٍ والزم الصمت
معقول ياهزاع ننسى القوانين

وشلون حتى الآن ما قد تكلمت
وأنت تعرف الظلم يقلب موازين

مشيت من عندك وأنا ماتطمّنت
وأنا أنتظر من عام سته وتسعين

مهما أجامل بالكلام وتبسمت
فأنا بصدري شي مثل السكاكين

عساك تفهم ما أقصده لو تكرمت
والحق واضح مايبي له براهين

لو راح ست سنين ظلم ٍ ولا قمت
وش فايدة ماهو بقى لي من سنين

لا تحسب أني جاهل ٍ ماتعلمت
من جامعة بقعا خذيت النياشين

ولو ماأنت كفو ٍ مال وضعي تفهمت
والشعر في شرواك يكتب عناوين