لو تدرين وش صرتي. لـ هزاع بن زيدان العنزي

لو تدرين وش صرتي - هزاع بن زيدان العنزي

ياللي على البال لو تدرين وش صرتي
مالمتي البوح لامن شح تعبيره

مايكفي القلب لك وحدك وبه طرتي
ومايكفي الشعر لك ابلغ تصاويره

لو تعرفي كم احبك كان محترتي
ولا عطيتي مجال لوطئة الحيره

مابالغ ان قلت من نفسك علي غرتي
ياشمعة الغيد ياشيهانة الديره

في شاشة العين كم طفتي وكم درتي
معقول ماخبرك طيفك عن السيره

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.