خذني على قد عقلي - ياسر المشيفري

خذني على قد عقلي وقول لي اشتقتك
اخاف باكر اموت وما قلت لي شي

ياللي حياتي ابتدت من يوم ما شفتك
وان غبت في يوم عني ما اعتبرني حي

اضيع بين زعلك ورضاك .. وفي صمتك
كنك سوالف عطر نامت ما بين يدي

جيت ارتمي لك عذر سابق لمعرفتك
واسرق بقايا ظلامك وانتثر لك ضي

لو بالخطأ القاك او اطري في ذاكرتك
ما كنت ببكي فراقك والشمع مطفي

وما كنت اطلقت سرب طيوري وزرتك
من غير حاجة على سورك أمر شوي

ممكن تقول لعنادك (بس) أنا احتجتك
ابغاك تروي تفاصيلي بجنونك ري

ويا سيد الجوف سامحني انا ازعجتك
طلبت اسولف رجعت وما قلت لك شي

© 2024 - موقع الشعر