ياهيه ياللي دربكـم

ياهيه ياللي دربكم فيه ركّه
دربك خطر مافيه ممسى ومقيال

يبين الرجال على المحكّه
وانت اللذي مثلك الى قال ينطال

انت اللذي شرواك مافيه شِكّه
اسمع كلامي احيث بين بك احوال

نسمع كثيرعلوم مع كل سكِه
قالو نهج حيث اتجه صوب هيال

من طاوع النفس الخبيثه تشكّه
في دربها بكل الخبايث والاهوال

ومن طاوع النفس الدنيه تصكّه
ترديه للهونا ومعصية رب الاجيال

خلك بطل واحكم كما حكم لكّه
وابعد من درب المعاصي بالافعال

لاتقول مابه وقت مافيه فكّه
غيرك عثر ثم اعتنز مثل الابطال

ابعد من اهل السوء مجلس ودكّه
في بعدهم تلقى المعزه والأمال

يالليث يالضرغام انهج لمكّه
واطلب من المولى يبدل لك الحال