لا تعكر جوي الصافي - خليفة بن راشد الوالي

لا تعكر جوي الصافي
دامني مرتاح في جوي

ع ظفاف النيل مصيافي
وأنت صيفك ظلم متقوي

وأنسج الأبيات شفافي
ماعليه كاشف (ن) ظوي

يوم صار سهيل ينشافي
ضاع نوره من ظهر نوي

ساكن (ن) ع رأس مشرافي
ماسكنت بغار متلوي

تابع(ن)ساسي من أسلافي
ذيب عاوي فعلي مدوي

لو تمر أطيافك أطيافي
الحضن يفزع لك مقهوي

والمحبه شرعنا الوافي
لي بها الظميان يتروي

لا تظن أسيافك أسيافي
سيفك الرعاش شي سوي

لمعته يا ( أيييه) تنعافي
دام عكر صافي الجوي

خليفة بن راشد الوالي
مجاراه

عالهوى ما يوجد اخلافي
نحن دونه ويش بنسوي

وش بدا قلبك غدى جافي
يشتكي من بارد النوي

دنجوان الحب لسنافي
ما تحب الخود تتلوي

هذا طبع الناس الاشرافي
طبع ذيب(ن) عالي النوي

ياخليفه بيح الخافي
طير باحساسك جدا الجوي

ماهقا به حلو الاطرافي
كدر الكم صافياالجوي

غير يمكن مثلكم عافي
وغيرهم في الجاش متقوي

الغواني فيهن اصنافي
شروى الفواله متى تهوي

صعب ترضى بصنف .. وتنافي
صنف غالي سعره مدوي

عبدالله بن فهم الحمودي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر