يا ابو بطي - هذال العتيبي

ياهاجسي ياللي أغنيبك على كل البحور
عندك مفاتيح الضماير مالكن تصريحها

يابو بطي لاضاقت الدنيأء وضاقن الصدور
وشفنا هواجيس الليالي زودت تجريحهاء

جر اللحن يالأكلبي وأخذ المعاني دوردور
زحها مدام ان الضماير عاجزه عن زيحها

مني وانا للي لي شعورن يختلف عندهشعور
دام المعاني ضاويه حقن علي تسريحها

ياما تعلمنا من الدنياء على مر الشهور
ابيحها ياصاحبي لو كان ما أبغى ابيحها

لا والله الأ راحت سنين السعاده والسرور
اللي تلوح بالسعد ماعاد جاء تلويحها

واليوم حنا في زمانن مايجيب الا الشرور
هذاك يقتل فالبشر وغيره يبي تشريحها

جينا الهديه فأخر الدنياء وشفناها عجور
تاكل من الحنضل وكبت ياصحيبي شيحها

ياصاحبي لاعاد تأخذ من جميع الناس شور
اشوارهم تخطي الضنون وطالبك تصحيحها

ويابو بطي جتك القصيده وانتبه بين السطور
ميزانها عندي وأنا كفون على ترجيحها

وختامها صلوا على محمد عدد كل الزهور
اللي ليا هبت هبوب الشرق جانا ريحها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر