مصنع الجوال - عبدالله الدواس
سقا الله طعنةٍ منها عرفت ان الرجال افعال...نهار اشقيت رجليني وكل الناس خيالهترى ماكل من ربى شنب ياصاحبي رجال...ولا عاد الشنب يفرق حريم الوقت ورجالهالا يامن سجدت لوجهه البارح فقر واذلال...سجدت ودمعتي فوق الخدود وحالتي حالهالا يافارج الكربه والا ياعالمٍ باالحال...انا عبدٍ فقير وعادت الايام حبالهشقيت ولا شقيت الا على ذنبٍ يهد جبال...غويت وغويتي هدت علي الكون وجبالهوانا لو كان لي حيله على القلب الشقي لااحتال...عسى الله لايواخذ قلبي المجنون بهبالهخفوقٍ في طرف صدري بنى للمقفيه تمثال...يقول الموت لااجل ( الموت ) وفال الله ولا فالهالا يالله كان اللي يجيني طيفها باالبال...هنوفٍ تسكن ظلوع القصيد العذب وجزالهاذا هي ناويه من جد تقفي بفصل الجوال...والا لا بارك الله مصنع الجوال وارسالهبعد مااهديتها قلبٍ تردد دونه الغربال...خفوقٍ لو يشوف الموت صدره ياقف قبالهخفوقٍ مدته مدت كريم البارق الهمال...خفوقٍ لا استشاض القيض جتك الناس لظلالهشرب فنجال ثم فنجال ثم فنجال ثم فنجال...والا من الزمان اقفى يفز ويشرب دلالهحشا والله وانا رجلٍ الا منه غضب ماقال...والا من قال له كلمة تفز رجال لااقوالهصغير السن لكني كبيرٍ واصغر العقًال...اخذت من البحر عمقه واخذت من الصبر جالهرزينٍ جاهلٍ عاقل كريم بحبتين هبال...غليضٍ فض من حولي يفض البخل وحبالهحشا ماانذل لاوالله وانا راسي عليه عقال...وانا مانيب رجلٍ هيبته في ميلة عقالهانا من لابتٍ باالحق تشبه رجفت الزلزال...مغاويرٍ مقاديمٍ وكلٍ زاد مكيالهتميم اليا احتمت نار الوطيس وصوتوا يارجال...نجيك نجاوب الفزعه وكلٍ قدمه عيالهإقرومٍ جارنا ينعم بعز وخير وطيبة فال...وحوشٍ ضدنا خلوه يقصر شره اشوا لهاذا ود الهنوف تصد تاخذ نشرت الاحوال...ترى ( عبدالله الدواس ) شال الريح جوالهوقلبه ساليٍ عنها من اول مادخل شوال...ولا عاده يبي نوره ولا ساره ولا هالهواذا طال الجفا واقفت وصارن الليالي طوال...ترى ماياخذ الرجال كود اللي تهيالهعسى الله لايخليها بعد تلقى علي مدخال...وعسى الله لايذوقني بعدها الحب واذلالهعزمت اقطع الصورة وابحرق قلبها والشال...نويت انهي عذاباتي ودرب الكذب وجدالهواذا جابوا لها طاري هلي والناس والعذال...ابشهر بسمتي واقول كلٍ راح في حالهعليه بالحرام اني لااخليها وانا رجال...مدام ان الفعل يفرق حريم الوقت ورجالهشعر: عبدالله الدواس
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.