مابه اخلافي

لـ نايف العنزي، ، في غير مُحدد، آخر تحديث

مابه اخلافي - نايف العنزي

ادري وش اللي بقلبك كلام(ن) يختنق بشفاك
وفيت العهد لعيونك وانت العهد ما تافي

جيت بجنبي وكنك صدفه تمشي ب ممشاك
جيت بجنبي وادري يديك بتلمس أطرافي

التفت وشفت بعيونك الموت وقلت له حياك
ياعمري الجرح عذبني اجرح ماقلت لك كافي

خل الدمع ياعمري خل الدمع ما يزهاك
جرحك نام في قلبي رجيتك تتركه غافي

كلمه وقلتها زله كلمه لا تجيب أقصاك
طلبتك هد من روعك دمعك بلل اكتافي

سمعت الناس وش قالو كلام الناس ما يخفاك
قالو انك علي اتخآف وانا عليك ما خافي

وبعت الناس لعيونك بعت وقلت لك يفداك
وطلعت بعينهم كذاب ما يوم(ن) كنت لك وافي

انا المهموم بالدنيا لجل اكسب رضى دنياك
وعجزت اكسب رضى دنياك خلاص الحُب ينعافي

خلاص وعافك الخاطر خلاص القلب ما يبغاك
بعزم لرحيل اللي فيه الجرح يتشافي

انا جسد بليّا قلب قلب(ن) مات في ذكراك
انا صفحه بلا عنوان ضاعت في زمن جافي

عمري ما ظلمتك يوم وفيت حتى في فرقاك
وفيت لقلبي اللي من عرفك وللغير ماشافي

زعلت الناس من شانك ضحيت لخاطر رضاك
ابيك تحس بهمومي ونية قلبي الصافي

نسيت العالم بأسره نسيت ولا قدرت انساك
حسيت بغيابك برد وفقدت حضنك الدافي

انا دفع ثمن حُبك ولكن نيتي بجفاك
امانه خل الجروح اتسيل اتركها وربك يشافي

وتجاوب لسآلوك الناس وينه غآيب بدنياك
تقول انه رحل مجروح ولكن مابه اخلافي

© 2022 - موقع الشعر