الـنـفـس لشفـتـهـا ضـاقــت أوسـعـهــا

النفس لشفتها ضاقت أوسعها
وعزاي شعري انا لاضاقت أخلاقي

وأضحك ولوكان نفسي شئ موجعها
كني على الهرج قدم الناس مشتاقي

وأخاف من ضيقت(ن) للناس أطلعها
ويقال وشي منه وتقلب أوراقي

وتكشف لناس خبيثات(ن) طبايعها
ناس(ن) لكشف السراير تبرق أبراقي

وأخفي أمور(ن) عسى ربي يسنعها
رب(ن) كريم(ن) بحال العبد شفاقي

خلاص دنياي مابغاها وبايعها
شبعت منها غثاء وهموم وأفراقي

جربت دنياي والاحداث أتابعها
واللي مضى مر والله يعلم الباقي

وعزي لنفس سموم الوقت لايعها
وعزي لمن ذاق مثل خليف ماذاقي

ناس(ن) ليارحت عنها ماتودعها
وناس(ن) لجل عزها تاقف على ساقي

وناس(ن) ترجى من المعبود يقلعها
تحط بينك وبين علومها رواقي

وناس(ن) لوأبطيت عنها ماتقاطعها
لورحت عنها لها ألأذكار تنساقي

وجب الحطب يافهد والنار ولعها
وأحمس لنا بن وأبعد عنها الحراق

بريت(ن) من جبل صنعاء مجامعها
والهيل مافوقه أغلى وسط ألأسواقي

وسجل كلام اللذي دنياه صارعها
ساق القدم مع طوال الطرق سواقي

والنفس قشراء وتنكب من يطاوعها
في بعض حاجات وأيضا الوقت دراقي

كم دهورت واحد(ن) بالكيف يتبعها
وخلت له أهل العلوم الشينه ارفاقي

واللي علومه لاخلق الله يالمعها
لو الظلم الليل يجلا الليل الاشراقي