رجوى الاماني - الجوهرة السيد

بغيت اعدل ميلت الحظ واخطيت
عسرت حظي بالعسارة كسرته
 
ياما على رجوى الاماني تسليت
ماتت اماني حلمي اللي رسمته
 
اعطيت ثم اعطيت واجزلت وافنيت
لا واحسافه عمري اللي خسرته
 
قلت الصبر ثم الصبر واثري ازريت
حد ائتماني للجلادة وصلته
 
اعاند الحظ الردي ليه ياليت
فتحت له باب الامل وانتظرته
 
ابنعش انفاس الرجى صاحبي ميت
مالي عن المكتوب بد ونلته
 
ما ابي الغنى والمال والجاه والصيت
ابي احقق حلمي اللي حلمته
 
لا يحرس البيبان حارس اذا جيت
اشوف سكانه ولو ما سكنته
 
اشوف من عن شوفت عيونه ابطيت
طفل صغير يحسب اني هجرته
 
ارسلت له نوم الليالي وانا اجزيت
ما غمضت عيني وهمي كتمته
© 2024 - موقع الشعر