فــــــــــــــــــــراق

أبعتذر ان كان للعذر معنا
وابكتب حروفي على شان تقريه

تدري غلاك بخافقي ما تغنا
الين فاح العود من كف راعيه

عذبتني وانته بوصالي تثنا
ما تدري أن البعد ماني بقاويه

كثر الجفا يزيد بالجسم عنا
ويبيح صدري من هوى البال وش فيه

أبنشدك أن كان قلبك حصنا
والا على الفرقا معوده تثنيه

سلم عليه وقول له لا يحنا
ما دام سود العين ما عاد يبغيه

وأن جاك قله وش يبا اليوم منا
دام الوصال محال لا عاد نبكيه

هذي الحياه إن ما عنينا تعناً
لا تقطع دروب الوفاء لجل تشريه

وقله ترى في وصل غيره ركنا
واغيابة المقفين ما هوبنطريه

ولا عاد ابذكر يوم كنا وكنا
يوم أنها كانت بهالحب تغريه

ولا عاد أبشكي للخلايق حزنا
وأن راح خله يروح ماني براضيه

ما جيت أبين للعواذل بأنا
ولا جيت إجًًَُرح فالمخاليق وأبريه