منتدى العضيان - فيحان بن شباب العضياني

جيت أتمثل وأرفع الصوت وأزود
ماهمني قرم(ن) براسه نعاره

ياشاعر العضيان ماعنك مردود
جهز وسامك جاك راع الصداره

وياربعي العضيان حماية الذود
يا أهل الشعر وأهل السطى والجباره

أبوي شاعركم وأنا أتابع العود
أمشي على نهجه ولا أخلف مساره

وأنا تراني ما أنتقص كل موجود
من جا يشارك في عيونه شراره

أعرف خصومي شعرهم ضرب بارود
أو مثل سيف الضيط راع الجباره

والفوز والتوفيق من عند معبود
الليا التقينا ما نعد الخساره

والله يسلم بندر الطيب والجود
اللي بناله صرح راقي وأداره

فيه التعارف واللقاء زاد ويزود
وكل(ن) يقدر صاحبه من وقاره

وفيه القصايد كنها زاكي العود
وتاريخ وعلوم ومراجل وأثاره

وفيه الأخوه والوفى علم ماكود
وفيه العقول الواعيه والحضاره

وكل(ن) برايه دون سيد ومسيود
وبندر علينا مثل ضاف الستاره

مثل النحل للمنتدى دايم ورود
والمنتدى مثل العسل با أزدهاره

الله يبيض وجه ربعي هل الجود
أقولها من قلب با اصدق عباره

تكاتفوا والمنتدى صار له فود
مافيهم اللي يرتضي لنحداره

واليوم جينا قمة المجد بجهود
والمنتدى باقي يزيد أشتهاره

لاكن ياربعي ترى الدعم محمود
والظاهر أن الحر تكفيه أشاره

وصلو على محمد عدد وابل النود
المصطفى اللي جا لكم بالبشاره

© 2024 - موقع الشعر