فووووع قلبــــي - النادره

فوع قلبي لا طراء يوم الوداع
فوع منهو قاسي الوقت ايحديه

شاف موته ونامو اعياله جياع!!
سبة الفقر الذي لاوي يديه !!

من سبايب يا ملا خطل الذراع
جعل تفدا صاحبي سود الوجيه

يوم قفا ضاقت بعيني الوساع
راح عني وكل وجداني يبيه

صاحبن حبه ملكني باقتناع
ريف عمري ليتني اقدر اجيه

اعشقه واموت به حد النخاع
يكفي ان قلبي خذاه ابراحتيه !!

مركبه قلبي وله عيني شراع
وله خفوقي ديرتن توله عليه

في غيابه عشت في دنيا الضياع
كني اللي راح عنه والديه

بين فكري وبين وجداني صراع
وكل عرقن في خفوقي يرتجيه

شفت في بعده دروس الالتياع
واصعب دروب الوله مريت فيه

اذكره لا شافت عيوني شعاع
واذكره لاطّرو الحب النزيه

واذكره لاعشت في وقتي نزاع
واذكره لاصاح قلبن مهتويه

حاكمن قلبي وكل امره مطاع
لو طلب عمري عطيته كل ابيه!!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر