فاقــد لشـــوفه - النادره

تعال يا أغلا من سكن داخل الروح
يا أجمل تعابير القصيد وحروفه

يامشيدٍ فالقلب ابراج وصروح
يازهر عمري بالحياة وريوفه

تعال وانعش خاطرٍ منك مجروح
من غيبتك الله عليم بظروفه

شوف الفؤاد اللي من البعد مذبوح
وشوف العذاب أشهر عليّه سيوفه!!

ارأف بقلبي ياحبيبي ولا تروح
دنياي بعدك كلبوها حسوفه

احبس من اللوعات واصيغها بوح
واصبر على نارٍ حشايه تلوفه!!

واخفي من الاشواق اهات وانوح
واحن للماضي وذكرى طيوفه

حب وغلا من دون زيفٍ ومصلوح
فيه الوفاء والصدق ابرز وصوفه

كله عشان اللي له القلب مفتوح
اللي سلب فكري بليا مروفه!!

اسهر ولاشفته غدا البال مشروح
وانسى همومي حين ماالمس كفوفه!!

بهجة حياتي لو خذا القلب مسموح
هو الوحيد اللي سكن وسط جوفه

قولو له ان الحال من بعد مايروح؟؟
مثل الذي بالضبط فاقد لشوفه!!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر