لاتفكر انك على صدك تعذبني - راشد الفهيد

لاتفكر انك على صدك تعذبنى
رح وكل الله ترى مانى بمحتاجك
خلاص شلتك بعد ماكنت مشغلنى
وارتحت انا اليوم من طاريك وازعاجك
لاتحسب ان صدك وغيبتك تزعجنى
كرهت حبك وتفكيرك ومنهاجك
وان مر يوم(ن) عليك انك تذكرنى
لاعاد ترجع تراك اتزود احراجك
تشوف نفسك على ولا تكلمنى
غرك جمالك وغرك زيف مكياجك
هذى سبايبك يوم انك تقاطعنى
وهذى سواتك وهذا كله انتاجك
من اولن طيفك أليا مر يسعدنى
واليوم عندى طفت شمعتك وسراجك
© 2024 - موقع الشعر