انثر دموعك - عبدالله ناجي عزام الحارثي

لك يا قلم بالقلب حشمه وتقدير
ليتك تشوف القلب وشلون قدرك

انَّثر دموعك ياقلم واخفق السير
خل الحروف اتسيل من فيض صدرك

ليتك نظرت هموم قلبي طوابير
ما كان عن بيض الورق طال هجرك

حاشا علي مشكي همومي على اللغير
لو اشكيت همي ياقلم جف حبرك

مشكاتي اشكيها على رازق الطير
هو معطي المحروم يا قلب صبرك

بدعيه وحده مرتجي منه الخير
الواحد العالم بجهرك وسرك

واقنع بما ساقة عليك المقادير
مكتوب ميلادك ورزقك وعمرك

اشحنتني وامحنتني بالتفاكير
والامر لا بامري ولا لمر بامرك

امري وامرك بيد معطي التباشير
عسى يبشرني بشرى تُسرك

اقبض بحبله خل عنك التفاسير
ما ينفعك غيره ولا بايضرك

يا قلب نفسي والعه كنها الكير
وانتوا ثلاثه ضدها ويش عذرك

ما لومها صاروا الحبايب مناكير
صار القلم وانته وهاجوس شعرك

© 2024 - موقع الشعر