ياحلو تفريعة القرناس من بدري - عبيد القلادي

ياحلو تفريعت القرناس من بدري
في سهلةً مانطلع فيها الازوالي

ماغير اثرها تدرق عنك وتحبري
تشوف وضاح جاهز طيب الفالي

لياشافته موتها في عرقها يجري
ضيق عليها الفضاء في كل الأحوالي

وان كان طارت لحقهاوردها جبري
يردها بالعجل ماتاصل الجالي

ليامن ضربهابكفه وافي الشبري
من ضرت الكف دم القلب شلالي

ترتاح نفسي ومنهاينشرح صدري
في هدت الطير عندي تسوى الاموالي

تطش غترتك من فرحتك ماتدري
من الوناسه نحذف العقل مانبالي

وسويت فنجالً الشقر للعمس يبري
وحطيت خمس المعاني وسط فنجالي

هذي حلات العمر والى العمر عبري
ياالله بالخاتمه تصلح لي اعمالي

© 2024 - موقع الشعر