شيخة الزين

ياشيخة الزين جيتك لملمي همك
ابعدم هموم قلبك وانحر احزانك

استنفري كل حواسك بلغي دمك
انا وريدك من الليله وشريانك

شاعرك فارس واذا كان امره يهمك
لحظه عن اذنك بفرق جمع فرسانك

قصايدي بين كل الورد بتشمك
شقاوتك ، ضحكتك ، رقتك ، وجنانك

تتأملك ، تبتعد ، ترسمك ، وتضمك
ويكتمل عقدها وتنام بحظانك

تهووووون كل الجروح ان جات من يمك
ويشّّّّّرف ابواب صدري زلة لسانك

يلعن ابو اسم غير اسمي غزى فمك
ويموت طيفا توارى تحت كتمانك

خذي معك معجبينك في طرف كمك
بسكن بشالك وبستوطن بفستانك

وقبل ابعثرك فيني .. لملمي همك
ابخسر الكووووون كله .. واكسب احزانك