كثر

كثر المودة بالغلا اللي مضت بين السنين
وكثر العذاب اللي صرخ بقلوب عشق مسهيم

وكثر السحايب لا مطرت وعد البروق بكل حين
أنك غديت بخاطري وأدري معك مالي غريم

كثر السوالف باللقاء كثر الدموع بكل عين
تجتاحني من الهوى ولا لي أبد غيرك نديم

نبضات قلبي تتبعك لا زاد همك والحنين
ويا حلوها همسة هلا بشفاك يا أغلى حليم

كثر الفرح كثر الترح كثر الشعور اللي دفين
كثر التناقض بالبشر يا عاشقي عشقي مديم

يا ونة الجرح الندي ويا فرحة بعلا جبين
ويا نظرة فيها وله فيها مشاعر بك تهيم

لا لا تسأل وش جرى ولا تبتعد هاك اليقين
أنك أنا عشقي سرى نشوان وفهم يا فهيم

تعال وهاك اللي تبي وعطني ولا تسأل لوين
وخل الثواني هايمة يا حلوها شمس وغيم

وين المسافة ؟ وأنت بي وأنا أسكنك بوسط عين
خل المسافة خلها ماهي لنا والله عليم

أقرب تعال أشتاق لك وخذ ما تبي هاك العرين
ما يدخله غيرك حشى باللي تلاعب بالنسيم

خذني معاني حالمة خذني بحر موجه رهين
نظرة عيونك يا عسى من لامني يصبح عديم

أنت المشاعر كلها أنت السكون بهمس وين ؟؟
وأنت الشروق بدنيتي يا نور قمراء بالسديم