حقوق القرابه

ترى الخطاء يدمح ليا صار راعيه
قريب يجهل في حقوق القرابه

حق عليك ترفاه وتبقا مصافيه
لاخير في ربوع تسوق الطلابه

لابد مع طول الليالي بتدريه
ويشوف من ينصاب لاجاء مصابه

واهل الرخاء بعد المحبه تعاديه
ويظهرله الشامت يجر الربابه

الحلم من حاشه على العز يرقيه
والطيش مورث الردى والخيابه

وبذل العطاء والجود يحصد مساعيه
كسب الثناء والناس تعزز جنابه

فلاخير في رجل تصاقه مناديه
وعند الولايم جاك عجل الاجابه

لانشفت الارياق دور عوانيه
حسب بني عمه وخال ونسابه

وان سفهلت له تكبر عن اخيه
ياعنك هذا الوقت فيه الغرابه

ولو هو على وده من السم يسقيه
يرديه حوض الموت محد درابه

وان جاه نمام كذوب طمع فيه
صدق دهاويله ولاقفا حكابه

ويزعله قولة صادقين المشاريه
ويبديلهم بغضه وتكشير نابه

وصغاير الزلات تكبر في خافيه
واقرب ملاقا عين سدد حسابه

اما بسلام الكف جنب مواليه
ولابخبث القول يرمي شهابه

حذر ولامن فود خابت هقاويه
يالله عسا مثله حصيله هبابه

نفسه كساه الهون والذل كاسيه
والشح وعند الناس يرجي ذهابه

وفي مجلس الاخيار محد يطريه
قران والسنه وهدي الصحابه

والي جفاء واقفاء الليالي تربيه
يجفاه من صلبه ويجرع عذابه

دين استدانه ولازم الدين يوفيه
رجم يحول منه وخصمه رقابه

والي حسد لله يعينه فبلاويه
خفاش منزاله بيوت خرابه

وياجاحد حق اليتاما ترا فيه
رب على الظالم شديد عقابه

وعزي لمن لاطاب احرم عوانيه
فيه الكبر خصله ..خذاها كسابه

مهما بذل من جود ذنبه يباريه
بدنياه مشروب التعاسه شرابه

ورجل لكل مشطون يلقا الدواء فيه
كل المفاخر سجلة في كتابه

لو هدموا جهده سعاء في مبانيه
مالد باهل القيل ورد السبابه

مثل الجمل ,,مايوم ريح مواطيه
في كل دايرة يدرهم ركابه

يذاع فالمجلس اوخر دعاويه
يجهد لكل معسر نصاه ولجابه

كريم ومدهال لقاصي ودانيه
ورحوم وله وقفات محد درابه

يبغى ليا جاء الموت يلقاء مشاهيه
ثقل الجبال وبيض مثل السحابه

وان شاب يلقاء كل ربعه تقديه
حيثه مقديهم فماضي شبابه

وختامها صلو على من بعث فيه
هدي له الجنه لمنهو اقتدابه