عرب هالزمن - سيف بن محمد

خوة عرب هالزمن تنشرا بريال
خوة مصلحه ما هي بخوة رياجيل

لا تحسب كل من لبس البشت ع الشال
شيخ يصبون له فالفناجيل

ولا تظن كل من حط ع الراس العقال
من العرب لا تخدعك المواويل

يا عرب أبنشدكم عن الحال
عن خل عشقته وفعل بي الأفاعيل

يقولون لا تشكي الحظ للناس لا مال
ويش أسوي إذا سواته تجيب الأقاويل

شغل فكري وعقلي مع البال
وصار شغلي ع كثر المشاغيل

غاب عني و فغيبته طال
عسى يرجع لي يا رب الأبابيل

وعسى ربي يحسن خاتمتي والمآل
ويحفظني من سوات ناس مهابيل

يا رب اسعده وصحح له الفال
وابعده عن شر خلق مخابيل

© 2023 - موقع الشعر