ضياع انسان - عمربن عجرف الشمري

دخيلك مابقا فيني سواء لوحة الم واحزان
رسمته من صغر سني وانا للحين الونها

بقا فيني الم غربه بقا فيني ضياع انسان
بقا فيني شتات اوراق اشوف الحزن ساكنها

بقاء فيني دموع اطفال تهيض فيني الاشجان
ولامنه طغا حزني رجع لهمومي فطنها

امانه وش تبي تعرف من الحزان والحرمان.
تعبت اذرفلك دموعن شتات الوقت زابنها

تعال واحتظن لوحه مسما حزانها عنوان
تعال وضمها تكفا قبل للموت يحظنها

ولاتسال عن الصوره ولاتسال عن الالوان
لان الصوره بقلبي متى ما شتقت احضنها

في عيني صورتك لليوم ولاخنته باي انسان
مادمك ساكنن قلبي عيوني انت موطنها

تعال وناظر الصوره كفاني من زمن ماكان
تعال ولون الصوره وفي ايدك انت وازنها

طغافيني حزن وضيق علي وزهب الااكفان
اخاف اطيح من طولي اذا هلبعد كفنها

اذاودك تعرف الوقت وش سوى بعد يافلان
ترك فيني الم ودموع بوسط اوراقي دونها

واذامكفاك كل الي اقوله ناظر الاعيان
ابيك تشوف وش سوا غيابك كيف احزنها

تعال واسئال الدمعه اذا الحساس بك قدخان
واذاحسيتها تكذب باسمك بس امنها

بعدمارحت كل الي بقا فيني الم وحزان
وصوره من بعدعينك قضيت العمر الونها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر