*** يامل عين*** - صقر فواز
يامل عين كل ماخيمّ اللّيلوانكف خالي البال واطفى سراجهيشب فيها هم مبطي بها محيلراحت سنين العمر ماجا انفراجهوخيول فكري مربطاتٍ لها صهيلتبي الفضاء وانا مجوّد سياجهتشره علي العين وتعمعم الخيلوانا اعترف خليتها لوقت حاجهوجدي على راعي العيون المضاليلاللي سكن قلبي وحافه وداجهكل السنين الماضيه والتعاليلماغيرت من بسمته وابتهاجهاجيه ساري واشتهي ضمته حيلويملّكن عرشه وفرشه وتاجهيزود لي بالكيل وازيد بالكيلوان قلت يكفيني تعكّر مزاجهدلّوع لكن بالغلا ماهو بخيلبعيد عن درب الردا والسماجهماله علي مدخل ولالي مداخيلغير النصيب ووقفته ونعواجهوجهه بقالي ودمعتينٍ به تسيلونظرة قهر يخفي وراها انحراجهيفوح قلبي مثل فوح المعاميلواسمع براسي لاذكرته لجاجهبيني وبين الهم عشق وتهاويلكني حبيسٍ من عناه بزجاجهمهموم من قل الفرج والمواصيلومرتاع من عقد الزمن لي حجاجهيبست مواريدي وانامحتري السيلوالهم علق بالمحاني حراجهمتى على الله بالسمايطلع سهيلكود المطريقطع طريق العجاجهمادام ضاع القفل ماينفع القيلولاينفع المفتاح كثرة اولاجهيادق قلبي بالنجر دقة الهيلقام يتهشم من كثر مايواجهعلى السنين الفايته دون تحصيلوزرعٍ يبس قبل يتهيا خراجهوياحظي اللي طايحٍ مابه الحيلعلى فراشه مستحيلٍ علاجهاتعبني الماخوذ بالحط والشيللاقام من نومه تفتح خلاجهوياكثر ماعدلتها وترجع تميلوالياس دربٍ مابغيت انتهاجهلكن على الله يالدروب المقابيليمكن يزينها الولي بانفراجه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.