العجيب

ما تَعجّبْت مِنك خابر انك عجيب
اتعجّب من اللي عارفك وعْشِقِكْ

الحبايب لهلْها مِثْل سكَر حليب
وانْت عَلْقم مِكدّر خاطري مَنْطِقِكْ

ما تفيد الرسايل والمواصل صعيب
اذْكِر اللي مِن احساس الغلا ذوّقِكْ

لا تَحسْب الغلا جَرحٍ دواه الطبيب
الغلا لا فِقَدتْ اصويحبك يَحْرِقِكْ

روح دوّر مع الدنيا بكيفك حبيب
مير لا تَنْثر العبرات لا وهِقِكْ

من نسى عشْرة الطيّب رديّ النصيب
خَلْ ذكراه لاهب الهوى شَوقِكْ