مرحوم يافهد العرب رمز الاسلام
مرحوم ياكاسر عصى جيش صدام
يامن وفا بالوعد للشيخ جابر
وعاد الكويت وطاح صدام ماقام
مرحوم ياللي عزّها ماظلمها
بالعدل والإحسان دراه حكمها
ياخادم البيتين باني حرمها
ياللي بكته الناس وارضه والايام
مرحوم ياحاتم وفارس زمانه
يامن أعز السيف والمال اهانه
ربي عطاه من المهابه مكانه
في حضرته تصير عدوانه اقزام
مرحوم ياللي مايغرّه منافق
ولايثيره بالغضب صوت طافق
بالناس له نظره وعقلٍ وخافق
ماهوب عجلٍ لكن ان قام عزّام
مرحوم ياملجم جموح المعادي
اللي يثير الفتنه بكل نادي
ينثر سمومه بالحضر والبوادي
حتى عدل راسه على الحق صمصام
مرحوم يارعي الوفا والحميه
ياكاسب الطولات جزل العطيه
ياللي اذا نهّض عزومه قويه
دايم وشوفاته بعيده وقدام
مرحوم ياثالث سهوم المنايا
عقبان جوٍ ماخلطهم حدايا
تشيلهم هاماتنا والحنايا
عبدالله وسلطان دام السعد دام

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين