مرثية الملك فهد

يا هل الجريدة سجلوا بالجريده
بل سجلوا يا أهل كل الجرايد

إذا سمحتوا سجلوا هالقصيده
ما هي بمثل اللي مضى من قصايد

لا والله الا راح منا فقيده
الله لا يكثر علينا الفقايد

روحه بلا رجعه قريبه بعيده
متر وربع عنا ولا هو بعايد

فيها الأسى قام يتزايد رصيده
لين انخفض بمعدلات الفوايد

قسم علينا الحزن ما هوب بيده
الأمر كايد قدما تقول كايد

حزن ثقيل ما تشيله بديده
لا والله الا ما تشيله بدايد

والحمد لله العواقب حميده
عدل ورفاه وعلم والأمن سايد

ولى علينا قبل موته عضيده
اللي مضى له بالسياسة عوايد

له خبرة يمتاز فيها فريده
نايب وقام بدور نايب وقايد

بالصبر والحكمه والاريا السديده
وحده ادار الحكم وقت الشدايد

والشعب يمشي له على ما يريده
ما فيه احد ضده ولا احد محايد

ومرحوم يا راعي الصفات الحميده
يا مصرّف عنا المحن والمكايد

الله من الرحمه بفضله يزيده
والله يغفر له ويغفر لزايد