حال الوطن

المجلس اللي عموم الشعب مختاره
ما عاد له عذر ولايهمل قضيتنا

حنا نبا يحفظ الدستور مقداره
في نصرة الشعب يافزعة حكومتنا

حنا نحب الصباحي زانت اخباره
امجرب(ن) من قديم الوقت فزعتنا

يامجلس(ن) من جديد مشعشع انواره
لاجل انتعاش البلد والشعب صوتنا

السعر بالنفط زاد امولعن ناره
قلنا عساها بشاير خير فرحتنا

بس البلد ولع التجار بأسعاره
معاشنا طار ما فادت زيادتنا

الناس صاحت من الاسعار محتاره
واشلون حال الفقير ابوسط ديرتنا

اكيد مهموم والاعصاب منهاره
متعفف ابحاجة(ن) محتاج نصرتنا

لا جيت لو تشتري بالقسط سيارة
فوايد البنك ياساتر تولتنا

من يرحم التايه اللي تاهت افكاره
من يلتفت للحياة اللي تحدتنا

الشعب مليون والايام دواره
عقب الملايين يا مكبر مصيبتنا

اذكر وصية ابوي العود واذكاره
لاتجعل المال همك فوق حاجتنا

لا جاك مسكين لاتنشد عن اعذاره
سد حاجته يكفل الله رزق لقمتنا

لا يبهرك واحد يبذخ بديناره
يمكن سعادته ماتسوى سعادتنا

دنياك لو تسعدك بالحال غداره
لابد ماتذرف امن العين دمعتنا

انا تلمست هم الناس وامراره
صرخة يتيم الارامل مثل صرختنا

اما جشع بالبلد بأسباب تجاره
ولا رمينا على البترول شرهتنا