فآتنـة وجريئـة

فاتنة وجدا جريئة كل هالعالم وراهآ
همّها بدر وغرامه وكل هالعالم تولّي
 
ما لقيت اللي ملكني وامتلك قلبي سواها
ما لقيت الفيّ دونه هي احاسيسي وظلّي
 
الغلا وشهو غلاها ! الاّ ذابحني غلاها
والحلا وشهو حلاها وش اوصّف وش أخلّي
 
يا بشر والله اتحدّى من يوصّل مستواها
من غلاها في خفوقي ماهي بحاجة تغلّي
 
من غلاها ابتداها خافقي ولا انتهاها
ما تكفيّها القصايد والحروف اللي تهلّي
 
وما توفّيها المشاعر وما تجي حتى ثراها
ودّي اسجّل حروفي بس جاني طير ياللّي
 
حايمٍ من فوق خلّي طاير ٍ لأول سماها
طآير ٍ لأول سماها حايم ٍ من فوق خلّي
 
ما تمنّيت الذنوب الا ليا لمّة شفآها
ودّي آخذها ثواني يابشر مدري شحصلّي
 
فاتنة وجدا جريئة ضيّعت قلب ٍ هواها
يا بشر وشلون أركد طاح والله كلّ كلّي