غنائية ( مـوت أحبـّك ) - همسة عنا

في غيبتي .. مالي على الدّنيا ملام
همسة عناء .. فيها تعابير الغرام

***
يوقف غلاي .. منّي على حد النّظر

يركض وراي .. ويشوفه كلّ البشر
***

وتنثر سحايبها غلا .. وتنبت على عيوني زهر ..
وأقول أحبّك .. موت أحبّك ..

***
وأعطّر الدّنيا زهور ..

من دمعتي فاحة عطور ..
***

وأنادي أيّام الهوى ..
على أمل نبقى سوى ..

***
وأسامر دُروب السّهر ..

وأصحى على طيف القمر ..
***

وأرسل مراسيلي عذاب ..
على مراويح السّحاب ..

***
تعَبْت ما اقدر أمنعك ..

واوادع أحلامي معك ..
***

وأخايل عيون السّحاب .. أعاتب أيّامي بلاك ..
وأقول أحبّك .. موت أحبّك ..

© 2024 - موقع الشعر