مكـان ومقــام

المعاني خذتني فوق فِعل الجَميل
والحقيقه بعيني ما عليها ملام

ياغريب السّوالف حول عيني دليل
ماتبي مين يفسّرها بكثر الكلام

فاهمه كل قصدك بين حطٍّ وشيل
عارفه وين بسري في خطاوي السّلام

ماتردّد وليلي لو غدالي طويل
مثني العَزْم وأنا من بنات الكِرام

إيه وأنا مثل خلق الله بقلبي خليل
وعارفه حدود قلبي بين شوق وهيام

لا تثير الغرابه ولا ترجّى بديل
العقل يفرض الموقف بليل الغرام

كل غيمه تِجمّع ثم تبدأ تسيل
وتسقي الأرض ويَنبِت من بعدها خِزام

لكن الصّبر مفتاح الفرج يا عَليل
وكل مخلوق في الدّنيا مكان ومقام