عايشه في واقـعي

أدري إنّك عندي إنسانٍ عظيم
وأدري إني في علومك ما أثير

تحسب إنّك بالحكي مثل الحكيم
وإنّي أجهل صنفك بشيٍ كثير

لا تلوم إللّي بهالنّظره غشيم
لوم روحك ليه في قلبي تِحير

تدري إنّي منّك في نار وجحيم
والعقل بالشّك مامنّه أسير

منّك ما قد مرّني شيٍ سليم
والظّلم به سمٍ يسقم البعير

ماهقيتك في الحكي تمحي القديم
عايشه في واقعي وفيه أستنير

ووين ما أبغى من على الدّنيا أهيم
خلّني في حيرة الجرح العسير