حـافـظٍ عهـدي

ياهلا بللي قصدني بالشِّعر
ترجم اعجابه من احساسٍ خلوق

كل حرفٍ زف لي أحلى خبر
في المعاني واضحٍ حب الصّدوق

كاشف شعوره على البشر
يرعد احساسه غلا بين البروق

الوفا كله سحابٍ في النّظر
مثل شمسٍ مشرقه وقت الشروق

والغلا فيني شبيهٍ للبحر
حبه بقلبي ويدفق في العروق

له مكانه فوق هامات الفخر
فوق كلّ النّاس اشوفه دوم فوق

هو نظر عيني وروحي والعمر
لو يغيب البال بعده ما يروق

لا حكى يفوح بحروفه عطر
الصّدى يبقى كبيرٍ في الخفوق

ما اذكر إنّه خان أو لحظه غدر
حافظٍ عهدي على العشره سبوق

بين كلّ النّاس يامرني أمر
لي حقوق وله بعد مثلي حقوق