أميّـز الكلـمـه

المزن يحيي الأرض ياما وياما
لا هلّ هل بدنيته خير وعلوم

تفوح من ريحه علينا الخزاما
ونجني الثّمر في كل يومٍ ورا يوم

أقولها وكل الجوارح تواما
ودّي أحقّق للبشر خير وعلوم

وودّي السّعادة تنقسم للأناما
والكل يأخذ مِنَّها حق مقسوم

وأشوف وقتي ضحكتٍ لليتاما
يعطي جميع النّاس مايلحقه لوم

ما أبي لنوايا السّود حولي تراما
أصد عنها والتِفت وأكسب القوم

حكي العواذل ما وراه إحتراما
راعيه بين النّاس بالحيل مذموم

والضّرب بالميت بعيني حراما
أميّز الكلمة قبل ما أبدي السّوم