جمس 79

لـ ضيف الله حسن، ، في غير مُحدد

جمس 79 - ضيف الله حسن

الله على جمس مع طلعت النور
ناوي ديار ياصحيبي بعيده

جمس حمر تسعه وسبعين مصدور
لأهل القلوب الطيبه والسعيده

شاريه رجل خالط العمي بالعور
رجل مخضرم مانقص من رصيده

لامن سرح في الصبح ماياخد الشور
من أي تافه ونادر اللي يصيده

يقطع مسافات وخافيه مستور
بجمسه اللي له مزايا عديده

حوض جديد ماخذ الخط دستور
لامن مشى في الخط ريح شديده

يشخر شخير شخرة الذود منحور
في موسم يالله علينا تعيده

مقدمه لأقبل كنه الصقر مطيور
ناوي الطريق اللي ماأظنه يعيده

ومكينته تفورمن مقدمه فور
فور الجنيدي لأبتلى من عقيده

ومسجله صوته كما الليل مهجور
فيه الحساوي يلتحن مايريده

ومحركاته ياصحيبي لها دور
لامن مشى في الخط والخط سيده

يطرح مع الكبسوله ألفين طابور
من وارد الألمان أوماتريده

© 2024 - موقع الشعر